ஆந்திர மாநிலத்தில் இருந்து கேரளாவுக்கு சட்டவிரோத இறைச்சி விற்பனைக்காக 20 மாடுகளை ஏற்றிச் சென்ற லாரியில், 42 கிலோ கஞ்சா 4 லட்சத்து 20 ஆயிரம் மதிப்புள்ள கடத்தப்பட்டுள்ளது தெரிய வந்துள்ளது. கரூர் மாவட்டம், சின்னதாராபுரம் அருகே போலீசார் சோதனையிட்டு லாரியை பறிமுதல் செய்தனர்.
கஞ்சாவை கடத்திச் சென்ற தேனி மாவட்டம், உத்தபாளையத்தைச் சேர்ந்த கவுதம்(27), ராம்குமார்(29), கரன்குமார்(23) ஆகிய 3 பேர் கொண்ட கும்பலை போலீசார் கைது செய்தனர்.
இறைச்சி விற்பனைக்காக மாடுகளை கடத்துவது போன்ற தோரணையில், கஞ்சா உள்ளிட்ட போதை பொருட்களை கடத்தும் கும்பல் குறித்து போலீசார் தீவிர விசாரணை மேற்கொண்டு வருகின்றனர்.